【說話的技巧：識問問題，避免尷尬 DeadAir 】#MrBusiness #4招教你跟同事客人打開話題
上星期，話說有個入職幾個月嘅新丁喺 Reception同個客傾計，咁啱我經過聽到：
新丁：「 你地呢排生意幾好嘛？」
客：「麻麻地。」
新丁：「咁你呢排忙咩？」
客：「生意唔好，都無咩野忙。」
(之後空間靜左幾秒)
「咁不如我地講番今日我地個 Project 進度.....」
其實不少人平時在職場辦事能力和說話技巧都有出入，當在陌生的環境或者見新客時，就會感到不安或恐懼，諗唔到話題打開，甚至害怕大家陷入 dead air 而避得就避。自問不是多野講嘅人，回想自己初入職場頭幾年，都係用以下幾招解決 dead air 問題：
Ice Breaking可由輕鬆話題開始
面對新相識的人，先留意對方衣著及用品，可從呢類比較輕鬆的話題開始，例如：
「呢部電話係新出喎，好唔好用？」
「頭先難唔難過黎呢度？」
比對方講多啲，初期問得太 personal 對方亦未必想答，不妨問下他們的工作經驗，大部份人過去的經驗都會成為現在重視的價值或堅持的目標，亦會很樂意分享自己的故事，再從故事中探討價值觀，若價值觀相同又岩咀型，要 get close 唔難。
不熟悉範疇 唔好Repeat 內容
遇到有資歷或年長的對象，當對方提及的內容自己不熟悉，避免重複對方內容蒙混過關，有點年資的，一下就睇穿你喺度「R講」，反而表示自己唔係好識而想了解多啲，呢個方法不但令對方覺得你有認真聆聽，而且會覺得你對他說的話題有興趣，也給他們一個補充更多內容的機會。
講少少自己 避免不停問對方
如果每次都不停問對方問題，對方都會開始覺得自己被質問。因此，想大家可以互相「猜兩板」，除了問對方問題，亦可以放開自己少少，講自己嘅事。呢招或多或少都會引起對方興趣，甚至主動回應你嘅內容，令大家可以繼續傾落去。
要Follow up 就用 Open ended Question
Yes No Question 真喺好難 Follow up ，遇著需要長時間先 warm up 到的人，過份簡單直接的回答，反而令場面更尷尬。相反，用多啲 Open ended Question， 如「近來疫情對你工作有無「咩」改變？」，總比「近來疫情對你工作有無改變？」問得更具體，自然從對方回答搵到話題繼續 follow up。
當你學識呢幾招，就算對方比較慢熱都會比你的說話技巧感染，自然由陌生到熟悉，往後無論在公在私，要溝通都容易好多。
Search